Khutbah Jum'at (31 Maret 2017)

بسم الله الرحمن الرحيم

إن الحمد لله نحمده و نستعينه و نستهديه و نستغفره و نتوب إليه و نتوكل عليه،فإنه هو الغفور الرحيم و يتوكل عليه المتوكلون. أشهد أن لا إله إلا الله وحده لا شريك له و أشهد أن محمدا عبده ورسوله لا نبي بعده. و نصلي و نسلم على أفضل الخلق رحمة للعالمين نبينا محمد و على آله و صحبه و من تبعهم بإحسان إلى يوم الدين. أما بعد...

فيا أيها الحاضرون، أوصيكم و إياي بتقوى الله فقد فاز المتقون. و قال الله تعالى ((يأيها الذين آمنوا اتقوا الله حق تقاته و لا تموتن إلا و أنتم مسلمون)) و قال أيضا: ((و توبوا إلى الله جميعا أيه المؤمنون لعلكم تفلحون))  وقال: ((قل ياعبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم)).

Para hadirin sidang Jum’ah nu dimuliakeun ku Allah SWT.

 Saparantosna urang manjatkeun puji sinareng syukur ka Allah SWT. Shalawat katut salam ka junjungan urang sadaya Nabi anu agung Muhamad SAW, ka kulawargana, ka para sahabatna, sareng ka sadaya ummatna dugi ka ahir jaman. Amin Ya Robbal alamin.

Salajengna khotib ngawasiatkeun ka diri pribadi khotib nyalira kalayan para hadirin sadaya pikeun ningkatkeun kaimanan sareng kataqwaan ka Allah SWT. Kumargi jalma-jalma anu taqwa eta jalma anu bakal kenging kabagjaan dunia sareng aherat.

Para hadirin sidang Jum’ah nu dimliakeun ku Allah SWT.

Urang salaku manusa biasa tangtu teu leupas tina salah atawa dosa. Manusa sakumaha didawuhkeun ku Nabi Muhammad SAW:

كل بني آدم خطاؤون و خير الخطائين التوابون.

Hartosna: “Sakabeh anak Adam teh ngalakukeun kasalahan. Jeung sahade-hadena jalma nu ngalakukeun kasalahan, nyaeta nu daek tobat”

Ku kituna, para hadirin sadaya, hayu urang menta panghampura ka Allah SWT tina naon bae lampah anu salah anu pernah dilakukeun ku urang, ku jalaran taubat. Taubat anu sabener-benerna, nu disebut taubatan nasuha. Sakumaha dawuh Allah SWT:

يأيها الذين آمنوا توبوا إلى الله توبة نصوحا...

Hartosna: “Heuy jalma-jalma nu iman, geura taubat ka Allah ku taubatan nasuha (taubat anu sabener-benerna)” (Q.S. At Tahrim : 8)

Para hadirin siding jum’ah nu dimuliakeun ku Allah SWT.

Taubat mangrupikeun amalan anu kacida agungna. Allah SWT kacida mikacinta ka jalma nu daek taubat, saking gumbirana tur senengna Allah SWT ka jalma anu ngalakukeun taubat, digambarkeun dina salah sahiji hadis Nabi Muhammad SAW nu diriwayatkeun ti ‘Abdullah Bin Mas’ud: Allah SWT leuwih bungah ku hamba-Na nu taubat ti batan jalma nu kaleungitan ontana jeung sagala barang bawaanana di padang pasir, nepikeun ka putus asa neanganana. Terus eta jalma masrahkeun nasibna, pasti bakal maot di dinya. tapi sapada harita, tiba-tiba eta onta datang deui lengkap jeung sagala barang bawaanana. Tangtu eta jalma kacida bungah jeung gumbira na. Malah dina salah sahiji riwayat, eta jalma nepikeun ka salah ngucap syukur ka Allah lantaran ku bungah nu teu aya papadana, manehna nyarita: Ya Allah, Anjeun teh hamba kuring, kuring tuhan Anjeun.” Tah, Allah SWT langkung bungah ti eta jalma nu dicaritakeun dina hadis tadi ku taubatna hiji jalma anu iman.

Para hadirin sidang jum’ah nu dimuliakeun ku Allah SWT.

Karidhoan Allah SWT anu ageung eta bakal diraih upama taubatna nyukupan kana syarat-syaratna. Syarat-syarat taubat sangkan janten taubatan nasuha diantawisna nyaeta:

1.       Ikhlas karna Allah SWT

2.       Ngarasa hanjakal tur sieun kana adzab Allah SWT

3.       Ninggalkeun maksiat atawa dosa nu sok dilakukeun secara total

4.       Nekadkeun hate moal ngalakukeun deui, jeung henteu pernah aya pikiran bakal ngalakukeun deui

5.       Taubat eta dilakukeun dina waktu ditarimana taubat, nyaeta sateuacan nyawa aya dinu genggerong atawa sateuacan panonpoe bijil ti tempat surupna, cirining poe kiamat

Para hadirin sidang jum’ah nu dimuliakeu ku Allah SWT.

Hayu urang sadaya buru-buru taubat ka Allah SWT ti nu sagala dosa. Ulah talangke ulah diengke-engke. Sateuacan nyawa urang dicabut ku Allah SWT. Sakumaha dawuhan Allah SWT:

إنما التوبة على الله للذين يعملون السوء بجهالة ثم يتوبون من قريب فأولئك يتوب الله عليهم و كان الله عليما حكيما. و ليست التوبة للذين يعملون السيئات حتى إذا حضر أحدهم الموت قال إني تبت الآن و لا الذين يموتون وهم كفار أولئك أعتدنا لهم عذابا أليما. (النساء: 17-18)

Hartosna: “Saenyana taubat anu bakal ditampi ku Allah SWT teh nyaeta saukur taubatna jalma-jalma nu ngalakukeun kasalahan tuluy maranehna buru-buru taubat. Eta jalma-jalma nu bakal dihampura ku Allah SWT, Allah Maha uninga tur Maha bijaksana. Jeung taubat teh lain pikeun jalma-jalma nu ngalakukeun kasalahan-kasalahan, nepikeun kadongkapan maot, kakara manehna taubat, atawa jalma anu maot dina kaayaan kafir. Eta jalma-jalma bakal dijanjikeun ku Kami adzab anu peurih. (Q.S. An-Nisa ayat 17-18)

Para hadirin nu dimuliakeun ku Allah SWT.

Hayu urang ngabersihkeun diri, nyucikeun jiwa ku taubat tina sagala dosa di bulan Rajab ieu. Hayu urang jadikeun bulan Rajab janten bulan persiapan nyanghareupan bulan Ramadhan, nu Insya Allah kantun dua bulan deui.

Jadikeun Bulan Rajab Bulan taubat, saterasna bulan Sya’ban dijantenkeun bulan ningkatkeun atawa ngabiasakeun amal shalih, supaya dina waktosna urang lebet kana bulan Ramadhan, urang parantos siap panen pahala sareng kautamaan Ramadhan.

اللهم بارك لنا في رجب و شعبان و بلغنا رمضان.

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ. 

الخطبة الثانية

الحمد لله الذي أرسل رسوله بالهدى و دين الحق ليظهره على الدين كله، و كفى بالله شهيدا. أشهد أن لا إله إلا الله وحده لا شريك له و أشهد أن محمدا عبده و رسوله لا نبي بعده. اللهم صل و سلم و بارك و أنعم على نبينا محمد و على آله و صحبه أجمعين. أما بعد...

فَيَا أيها الحاضرون!! اِتَّقُوااللهَ تَعَالىَ. وَذَرُوالْفَوَاحِشَ مَاظَهَرَ منها وَمَابَطَنْ. و توبوا إلى الله جميعا أيه المؤمنون لعلكم تفلحون. وَحَافِظُوْاعَلىَ الصلوات و الصلاة الوسطى وقوموا لله قانتين. وَاعْلَمُوْااَنَّ اللهَ اَمَرَكُمْ بِأَمْرٍ بَدَأَفِيْهِ بِنَفْسِهِ. وَثَنَّى بِمَلاَئِكَةِ قُدْسِهِ. فَقَالَ تَعَالىَ وَلَمْ يَزَلْ قَائِلاًعَلِيْمًا: اِنَّ اللهَ وَمَلاَئِكَتَهُ يُصَلُّوْنَ عَلىَ النَّبِىْ يَاَ يُّهَاالَّذِيْنَ آمَنُوْاصَلُّوْاعَلَيْهِ وَسَلِّمُوْاتَسْلِيْمًا.

 اَللّهُمَّ صَلِّ وَسَلِّمْ عَلىَ سَيِّدِنَا مُحَمَّدٍ وَعَلىَ اَلِ سَيِّدِنَا مُحَمَّدٍ. كَمَاصَلَّيْتَ عَلىَ سَيِّدِنَا اِبْرَاهِيْمَ وَعَلىَ اَلِ سَيِّدِنَا اِبْرَاهِيْمَ. في ِالْعَالَمِيْنَ اِنَّكَ حَمِيْدٌمَجِيْدٌ.

وَارْضَ اَللّهُمَّ عَنِ أربعة الْخُلَفَاءِالرَّاشِدِيْنَ سَيّدِنَا اَبِى بَكْرٍ وَعُمَرَ وَعُثْمَانَ وَعَلِيٍّ وَعَنْ سَائِرِاَصْحَابِ نَبِيِّكَ اَجْمَعِيْنَ وَعَنِ التَّابِعِيْنَ وَتَابِعِى التَّابِعِيْنَ وَمَنْ تَبِعَهُمْ بِاِحْسَانٍ اِلىَ يَوْمِ الدِّيْنِ.

اَللّهُمَّ اغْفِرْلِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلاَحْيَاءِ مِنْهُمْ وَاْلاَمْوَاتِ بِرَحْمَتِكَ يا أرحم الراحمين. اَللّهُمَّ ادْفَعْ عَنَّا الْغَلاَءَ وَالْوَبَاءَ وَالزِّنَا وَالزَّلاَزِلَ وَ الْمِحَنَ. وَسُوْءَالْفِتَنِ مَاظَهَرَ مِنْهَا وَمَابَطَنَ عَنْ بَلَدِنَا هَذَاخَاصَّةً وَعَنْ سَائِرِ بَلاَدِ الْمُسْلِمِيْنَ عَامَّةً يَارَبَّ الْعَالَمِيْنَ. رَبَّنَا اَتِنَافِى الدُّنْيَا حَسَنَةً وَفِى اْلاَخِرَةِ حَسَنَةً وَقِنَا عَذَابَ النَّارِ.

عِبَادَالله اِنَّ اللهَ يَأْمُرُبِالْعَدْلِ وَاْلاِحْسَانِ وَاِيْتَاءِذِى الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْىِ يَعِظُكُمْ لَعَلَّكُمْ تَذَكَّرُوْنَ فَاذْكُرُوااللهَ الْعَظِيْمِ يذكركم وَاشْكُرُوهُ عَلىَ نِعَمِهِ يَزِدْكُمْ. وَلَذِكْرُاللهِ اَكْبَرُ.