Khutbah Jum'at (26 Januari 2018)

بسم الله الرحمن الرحيم

السلام عليكم ورحمة الله وبركاته

الحمد لله حق حمده، الذي أرسل رسوله بالهدى و دينه، و خصّ الإنسان من بين خلقه لإقامة شريعته و حمل أمانته، و جعل التقوى معيار كرامة العبد و رفعة درجاته. ثم أفضل الصلاة و التسليم على خير الخلق محمد الأمين، و على آله و أصحابه الطاهرين، و من تبعهم بإحسان إلى يوم الدين. أما بعد...

فيا أيها الحاضرون، أوصيكم و إياي بتقوى الله فقد فاز المتقون. قال الله تعالى : يأيها الذين آمنوا اتقوا الله حق تقاته و لا تموتن إلا و انتم مسلمون. و قال أيضا : إن الدين عند الله الإسلام.

Para hadirin jamaah jum’ah nu dimuliakeun ku Allah SWT.

Puji sinareng sukur hayu urang panjatkeun ka Allah nu Maha Asih ka sadaya mahlukna utamana ka manusa nu Iman jeung Islam. Shalawat sinareng salam mugia ditetepkeun ka junjunan urang sadaya, Nabi Muhammad SAW, ka kulawarga, sahabat, oge ka saha bae nu janten ummatna nu satia kana ajaranana dugi ka ahir jaman. Amin ya robal alamin.

                Salajengna khatib umajak ka para hadirin sadaya pikeun ningkatkeun kaimanan tur kataqwan urang sadaya ka Allah SWT di mana bae uran ayana. Sakumaha dawuhan kanjeng Rosul:

اتق الله حيثما كنت و أتبع السيئة الحسنة تمحوها و خالق الناس بخلق حسن.

Hartosna: “Anjeun kedah taqwa ka Allah di mana bae ayana, jeung tuturkeun kagorengan ku kahadean supaya eta kahadean teh ngahapus kagorengan, tur geura bergaul ka papada manusa ku ahlak nu hade.”

Para Hadirin Jamaah Jum’at anu mulya.

Urang kedah bersyukur ka Allah SWT, kumargi urang dipaparinan kanikmatan anu pang agungna, nyaeta nikmat Iman jeung Islam. Islam agama nu dipilih ku Allah, nu dipikaridho. Nu ku urang sadaya diagem kalayan kacida gampangna. Malah ngajalankeunana oge di nagara urang mah dijamin ku undang undang. Di nagara batur mah pikeun ngajalankeun ajaran Islam teh kacida hesena, boro boro nunjukkeun identitas ka Islaman, malahan pikeun saukur neangan informasi tentang Islam nu bener oge hese. Alhamdulillah, urang ayeuna gampang pisan belajar Islam, ngagem agama Islam, tur ngajalankeun ajaran Islam. Kantun urangna daek atawa henteu ngajalankeunana.

Islam ajaran nu diturunkeun ku Allah SWT pikeun kahirupan urang sadaya, supaya urang hirup dina aturan nu ngajaga kamulyaan urang salaku manusa. Islam teh ngamanusakeun manusa. Ku sabab lamun henteu diatur ku ajaran Islam, manusa bakal turun darajatna, nepi ka leuwih rendah ti batan binatang ternak. Sakumaha dawuhan Allah SWT:

لقد خلقنا الإنسان في أحسن تقويم ثم رددناه أسفل سافلين إلا الذين آمنوا وعملوا الصالحات فلهم أجر غير ممنون.

Hartosna: “Saenyana Kami parantos nyiptakeun manusa kalayan rupa nu pang hadena, salajengna Kami balikkeun eta jalma kana derajat nu pang rendahna, iwal ti jalma jalma nu iman jeung beramal sholeh, maka eta jalma bakal meunang pahala nu henteu putus putus.”

Dina ayat eta, manusa di awal penciptaanana dimuliakeun ku Allah, tuluy direndahkeun sarendah rendahna. Tapi aya nu moal turun derajatna, nu moal direndahkeun ku Allah, nyaeta jalma jalma nu Iman jeung amal sholeh. Ari amal sholeh nyaeta naon bae anu disyare’atkeun dinu ajaran Islam.

Dina ayat sejen disebutkeun:

أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ إِنْ هُمْ إِلاَّ كَالْأَنْعامِ بَلْ هُمْ أَضَلُّ سَبِيلاً (44)

Hartosna: “Naha maneh nyangka yen maranehna (nyaeta jalma nu tumut taat ka hawa nafsuna) teh ngadenge jeung mikir, padahal maranehna sarupa binatang ternak malah leuwih sesat.”  (QS Al furqon ayat 44)

Ayat eta ngajelaskeun jalma nu leuwih taat ka hawa nafsuna nu henteu tumut kana aturan Allah, bakal direndahkeun derajatna ku Allah SWT malahan leuwih sesat ti binatang ternak.

                                                                  

Para hadirin sidang Jum’ah anu mulya.

Islam mangrupikeun saperangkat aturan hirup anu lengkap. Sadaya aspek kahirupan manusa teu aya nu ditinggalkeun dina ajaran Islam. Islam ngatur kahirupan manusa secara pribadi, keluarga, masyarakat, malah sampe kana kahirupan bernegara. Ieu nu diistilahkeun Syumuliyatul Islam, Kasampurnaan Islam.

Para hadirin jamaah jum’at.

Salaku jalma Islam urang kedah yakin sayakin yankinna yen agama islam teh agama nu pang  benerna. Kayakinan eta kedah dibuktikeun dina kahirupan sapopoe. Kusabab Islam ngatur sagala aspek kahirupan manusa, kukituna jalma Islam kedah daek diatur ku ajaran Islam dina kahirupan pribadina, Ibadahna, laku lampahna, rumah tanggana, pakayana, jeung sajabana kedah saluyu jeung ajaran Islam. Sakumaha makna Islam nyaeta tunduk atawa patuh, tumut kana parentah.

Allah SWT ngadawuh dinu surat Muhammad ayat 2

و الذين آمنوا وعملوا الصالحات و آمنوا بما نزل على محمد وهو الحق من ربهم كفر الله سيئاتهم و اصلح بالهم.

Hartosna : “Jeun jalma jalma nu iman tur amal sholeh, tegesna iman ka (Al qur’an) nu diturunkeun ka Nabi Muhammad jeung (eta Al qur’an) teh al haqq (kebenaran nu sajati) ti Tuhan maranehna, maka Allah bakal ngahapuskeun kasalahan maranehna jeung bakal ngahadekeun kahirupanana.”

                Dina ayat eta Allah SWT nyebutkeun yen anu diturunkeun ka Nabi Muhammad teh (Alqur’an nu ngandung ajaran Islam dijerona) Alhaqq, ditambahkeun alif lam ma’rifat,  nu hartina kasajatian, eta sifat henteu aya dinu sejenna, anu dina elmu nahwu mah disebut Uslub Alhashr. Maksudna kabeneran nu sajati mung aya din a ajaran Islam wungkul.

                Ditegeskeun dina ayat AlQu’an nu sejenna :

ومن يبتغ غير الإسلام دينا فلن يقبل منه وهو في الآخرة من الخاسرين

Hartosna: “sing saha jalma nu ngagem agama salain Islam, maka moal ditarima jeung diakherat eta jalma bakal rugi.” (QS Ali Imron: 85)

Para hadirin jamaah jum’at anu mulya.

Salaku jalma Islam urang kedah total tumut kana sagala parentah Allah, tur nebihan sagala nu dilarang ku Allah, kalayan kayakinan yen sagala nu diparentahkeun ku Allah eta hade, nu dilarang ku Allah eta bakal ngabinasakeun tur ngahinakeun kana sifat kamanusaan urang sadaya. Urang ulah milih milih aturan lain pikeun kahirupan urang salian ti aturan Islam, komo deui lamun hirup saukur diatur ku hawa nafsu. Sing saha jalma nu henteu tumut kana aturan Allah, pasti eta jalma bakal diatur ku aturan aturan anu leuwih rendah ti batan aturan Allah. Nu pang rendahna nyaeta aturan nu dumasar tina hawa nafsu.

Ku kituna para hadirin sadaya, hayu urang niatkeun diri urang pikeun taat kana aturan Allah dina sagala kahirupan urang. Hayu urang ngamulyakeun diri urang ku kataqwaan, ulah nepikeun ngarendahkeun diri urang, supaya henteu rugi di dunia jeung diakherat.

بارك الله لي ولكم و لوالدينا و لوالديكم و لسائر المسلمين و المسلمات، و استغفروه إنه هو الغفوور الرحيم.

الخطبة الثانية

الحمد لله والشكر لله فلا حول ولا قوّة إلا بالله ، الصلاة والسلام على رسول الله وعلى آله وصحبه ومن والاه أما بعد: فيا عباد الله اتقوا اله فى السرّ والعلن وذروا الفواحش ما ظهر منها وما بطن و حافظوا على حضر الجمعة والجماعة، وعلموا أنّ الله أمركم بأمر بدأ فيه بنفسه وثنّى بملائكته المسبّحة بقدسه وأيّه المؤمنين من عباده وهو القائل فى كتابه الكريم:

اعوذ بالله من الشيطان الرجيم، إنّ الله وملائكته يصلّون على النبىّ يأيّها الذين آمنوا صلّوا عليه وسلّموا تسليما.

                اللهم  صلّ على محمد وعلى آل محمد وسلّم ورضى الله تعل عالى عن كلّ صحابة رسول الله أجمعين والحمد لله ربّ العالمين، الحمد لله حمدا يوافى نعمه ويكافى مزيده يا ربّنا لك الحمد كما ينبغى لجلال وجهك الكريم وعظيم سلطانك. ربّنا اغفرلنا ولإخواننا الذين سبقونا بالإيمان ولاتجعل فى قلوبنا غلاّ للذين آمنوا ربّنا إنّك رؤوف رحيم. اللهم اغفر للمؤمنين والمؤمنات والمسلمين والمسلماتالأحياء منهم والأموات إنّك سميع قريب مجيب الدعوات ياقاضى الحاجات. اللهم أعزّ الإسلام والمسلمين وأصلح ولاة المسلمين وألّف بين قلوبهم وأصلح ذات بينهم وانصرهم على عدوّك وعدوّهم ووفّقهم للعمل بما فيه صلاح الإسلام والمسلمين. اللهم اهلك الكقرة والمبتدعة والمشركين أعداءك أعداء الدين. اللهم شتّت شملهم ومزّق جمعهم وألق فى قلوبهم الرّعب إنّك على كلّ شىء قدير. ربّنا هب لنا من أزواجنا وذريّاتنا قرة أعين واجعلنا للمتقين إماما، ربذنا آتنا فى الدنيا حسنة وفى الآخرة حسنة وقنا عذاب النار الحمدلله ربّ عالعلمين.

                عباد الله إنّ الله يأمر بالعدل والإحسان وإيتاء ذى القربى وينهى عن الفحشاء والمنكر والبغى يعظكم لعلكم تذكّرون فاذكروا الله العظيم  يذكركم واسألوه من فضله يعطكم ولذكر الله أكبر. اقمــوا الصلاة.